ORANJESTAD (AAN): Tin diferente mayor di alumnonan cu ta bay Dominicus College na Playa, cu no por soporta e condicion di e caminda di tera cu tin dilanti scol.
Aki ta referi na e caminda di tera cu tin paden di e cura grandi. E cura ey ta e mesun cu ta draai rond di La Salle College y Universidad di Aruba.
Mayornan a bisa cu ya caba nan a pidi auxilio di Wegendienst di DOW pa check e situacion y haci algo. Ora cu bo pasa e caminda pa sea baha of busca mucha na scol, bo curpa ta keda bati so den e vehiculo den tur banda.
Un mayor a hasta indica cu ora bo core riba e pida caminda aki, e ta peor cu superficie di luna, y si bo no paga tino, bo por hasta dal y afecta e radiator di auto. “Por lo menos nos ta pidi si por basha un capa di granit pa yuda nos un poco”. Pesey cu hopi speranza, nan ta haci suplica pa un Supervisor di Wegendienst di DOW pasa check e situacion.
