Stichting Ambiente Feliz awor cu mihor cuido cu patiëntenlift y balansa digital di Kondra  

ORANJESTAD (AAN): Stichting Ambiente Feliz, un fundacion dedica na brinda cuido na personanan cu desabilidad mental of fisico severo,

tabata en busca di sosten financiero pa por logra cumpra ekipo esencial pa mehora e calidad di cuido cu nan ta ofrece na su clientenan.

   Despues di participacion durante Aruba Doet, unda representantenan di mercadeo di Aruba Bank a yuda activamente cu un proyecto di pintura na Stichting Ambiente Feliz, nan a haya un bista di e necesidadnan urgente cu e organizacion ta enfrenta. E bishita a duna e oportunidad pa mira e impacto cu e fundacion tin riba e bida di su clientenan.

   Un di e retonan cu e empleadonan ta enfrenta diariamente ta e carga fisico causa pa move e clientenan for di cama y stoel manualmente.

    Pa e motibo aki Aruba Bank ta pensa cu ta importante pa yuda Ambiente Feliz yega na un patiëntenlift conhuntamente cu un balansa-digital. E compra di un patiëntenlift y balansa-digital no solamente lo alivia e carga fisico riba e empleadonan, sino tambe lo mehora di manera significante e cuido general cu ta ofrece na e clientenan.