ORANJESTAD (AAN): E dianan aki, DIARIO ta enfoca riba tur e empleadonan local den mundo di turismo, cu a sobresali durante 2023 y cu recien a ricibi un tan codicia ‘AHATA Excellence Award’ durante un anochi di gala.
Uno di esnan cu a gana premio ta Steve Fuentes. Steve ta un Anfitrion di VIP y Lider di Concierge na First Class Experience Aruba.
El a wordo honra cu e premio di AHATA Excellence Award pasobra semper e ta bay hopi leu pa ta sigur cu su clientenan ta haya bon servicio. Di e forma ey e ta suministra servicio fenomenal.
Pa e motibo aki, AHATA ta gradici’e pa ta representa Aruba su hospitalidad di gran forma asina.
