ORANJESTAD (AAN)- E artista Steve Francees ta un artista plastico, ken durante e celebracion di 100 aña di electricidad na Aruba, Diasabra cu a pasa, a presenta su exposicion di e centenario di electricidad na Aruba.
Steve a menciona cu mas o menos dos aña y mey pasa, el a cuminza busca informacion tocante Aruba di antes. “Mi mes, mi pasion ta Aruba di 1920-1925 mas of menos, y eynan mi a haya informacion di NV Elmar, con el a cuminza y a pinta mas of menos dos aña pasa”, el a indica.
Un par di tempo pasa el a topa Audry di NV Elmar, nan a topa y a bin haci algo hunto. Tambe a bin na e idea di haci un exposicion na Elmar di e 100 aña di luz electrico na Aruba.
