SKOA ta enfoca riba e desaroyo y crecemento di cada mucha y ta ofrece un programa di educacion completo

SKOA ta enfoca riba e desaroyo y crecemento di cada mucha y ta ofrece un programa di educacion completo

ORANJESTAD (AAN): Educacion ta primordial den e bida di cada cer humano.

Na SKOA ta kere cu educacion ta e yabi pa e mucha descubri su potencial completo y ta habri caminda pa un futuro yena cu posibilidad. P'esey ta enfoca ariba e desaroyo y crecemento di cada mucha y ta ofrece un programa di educacion completo y di calidad cu ta enfatisa ariba balornan Catolico, comunicacion na nivel multilingual, diversidad, innovacion y tambe actividadnan extra-curicular. Muchanan y alumnonan di SKOA ta ricibi un educacion completo cu ta prepara nan pa e futuro. 

Inscribi Online

            Por inscribi via e website www.skoa.aw pa asina inscribi completamente online. Por inscribi via email na aplicacion@skoa.aw. Por inscribi tambe via WhatsApp na +297 748 5995 y sigui e pasonan pa completa e inscripcion.

            Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis via nan sistema di SAS.

            Pa por completa inscripcion pa aña escolar nobo di 2025-2026, mester cumpli cu e rekisito di SKOA cu ta rekeri e contribucion di “schoolgeld y airco geld” di 2024-2025 ta full paga. Mayornan cu ta desea un areglo di pago por haci peticion pa esaki.

            SKOA tey pa guia tur mayor durante e proceso di inscripcion.