Cu yen beneficio atractivo pa e empleadonan
ORANJESTAD (AAN): E tabata un momento special sigur! Ora cu representantenan di Sindicato STA y gerencia di AAA NV a sera un CAO cu duracion di 4 aña pa su empleadonan. Dialuna 28 di November 2022 tabata tin e firmamento di e contrato colectivo na e "Main Conference Room" di AAA NV.
DIARIO a compronde, cu e CAO nobo aki, ta encera un contrato colectivo cu a conoce aumento considerabel den tur aspecto.
Salarionan lo subi formal, placa di warda, placa di vakantie, placa di yiu, performance Bonus, Bashi Premie, Reservewacht, on call toelage, dianan liber cu pago, jubileo, tambe a conoce articulonan nobo cu ta "internetvergoeding" y "Oudersschapverlof" pa esnan cu bira tata.
Riba potretnan por mira momento di hopi sonrisa, ora cu Diego de Cuba di Sindicato STA hunto cu Joost Meijs kende ta CEO di AAA NV tabata firma e CAO nobo aki.
Mester felicita e empleadonan di " AAA NV " pa cu CAO nobo aki.
