Lider Sindical Diego de Cuba:
ORANJESTAD (AAN) Diego de Cuba, presidente di Sindicato STA, a duna di conoce den entrevista cu Matutino DIARIO, cu STA a manda un carta (prome cu fin di siman cu a pasa), pa Minister Wendrck Cicilia, entorno e salario desproporcional cu Gobierno ta bay paga na e director nobo di Aeropuerto Reina Beatrix.
E ta puntra si nos ta kere cu no tin un yiu di tera cu por maneha Aeropuerto, nos ta completamente “fout bezig”.
Tambe STA a manda un peticion pa un reunion cu Minister Cicilia, pasobra e sindicato a manda un carta basta tempo caba pa e director actual di AAA, James Fazio, no conteniendo e tema aki (di e director nobo), y e carta a bay pa e Minister tambe, ken no a duna ningun reaccion di su banda.
“Nos no a spera esey tampoco, pero den e carta cu nos ta mandando aworaki p’e, nos ta spera cu si nos haya audiencia mas pronto posible, pasobra tin hopi trahador di aeropuerto cu ora nan a lesa e noticia aki y e salario desproporcional cu nan ta bay paga na e cabayero aki, bo ta desvia completamente di un ley cu ta existi aworaki na Pais Aruba
Awo, e pregunta ta bira: ‘bo no por biba cu un salario di 25 mil of 27 mil florin pa luna? Bo no por biba cu ne? Bo mester di 100 mil, aunke belasting ta tuma mas cu mita di dje, mi ta kere”, Diego de Cuba, lider sindical di STA ta cuestiona.
