Siete candidata nobo cu hopi potencial instala pa Miss Teen Aruba

ORANJESTAD (AAN): Diasabra anochi den Cage Nightclub na King Plaza a tuma lugar, e instalacion di cuatro candidata nobo pa Miss Teen Aruba International 2022, y tambe tres candidata nobo pa Miss Teen Aruba Glorious 2022.

   Un publico anima tabata presente pa asina sigui e evento, unda maestro di ceremonia George Winterdaal a trece informacion, y a presenta un show di baile tambe, y despues a sigui cu instalacion di e candidatanan.

   GLW Foundation ta contento cu nan tin varios candidata fuerte pa e certamen nobo aki.

   Miss Teen Aruba International: E prome candidata nobo instala pa certamen di Miss Teen Aruba International 2022 ta Evellene Rivero.  Su patrocinador Ty Creates Aruba Foundation a subi escenario y pone e sjerp pa asina e ta instala oficialmente.  E di dos candidata ta Ginayla Hernandez.  Su patrocinador RC&Co. a subi escenario y pone e sjerp pa asina e ta instala oficialmente.

   E di tres candidata nobo instala ta Annaïs Thiel.  Su patrocinador N-Designz a subi escenario y pone e sjerp na dje, pa asina e ta oficialmente instala.  E di cuatro candidata ta Crislaynitt Zuñiga.  Su patrocinador di Light in by Eventions a subi escenario pa pone e sjerp na dje, pa asina e ta instala.

   Miss Teen Aruba Glorious: Esaki ta pa candidatanan cu un tiki mas curva. E prome candidata nobo instala pa certamen di Miss Teen Aruba Glorious 2022 ta Zyrley Chaljub.  Su patrocinador Hair Beauty Extravaganza a subi escenario pa pone su sjerp.

   E di dos candidata ta Angelina Urrutia. Su patrocinador Ty Creates Aruba Foundation a subi escenario pa asina pone su sjerp y a wordo instala oficial.

   Di tres candidata ta Tychessa Melo.  Su patrocinador di Mirrors a subi escenario pa pone  e sjerp y asina e ta oficialmente instala.

   E certamen final mes lo ta Diadomingo 14 di Juli 2022 den Cas di Cultura.