SETAR a haci lansamento oficial di su  'Conexion Center' na Seroe Blanco  den un diseño nobo y moderno

ORANJESTAD (AAN):  Durante un evento special diamars anochi, SETAR ta haci e apertura oficial di su Conexion Center na Seroe Blanco cu un concepto completamente nobo y cu diseño moderno.

            Den e ultimo añanan SETAR a revamp tur su Teleshopnan cu un diseño moderno y un experiencia innovativo y mas digital. SETAR ta conta awo cu cuater Teleshop rond nos isla y nos Kiosk na Airport.

            Pa loke ta su edificio na Seroe Blanco, SETAR a bin cu un concepto nobo cu enfoke riba e clientenan cu negoshinan chikito y mediano, unda cu clientenan por bin pa haya contesta riba nan preguntanan y conseho.

            Na e curason di innovacion, e Conexion Center no ta solamente un espacio di trabou – e ta un hub vibrante unda cu e sinergia di trahadornan dedica y clientenan inspira ta transforma ideanan den realidad.     E Conexion Center tin varios espacio unda cu por sinta hunto den un ambiente informal y moderno.

            Tambe tin e departamento di IT akinan den un espacio completa renoba den e forma nobo di traha pa asisti e clientenan. Ademas di esaki, clientenan por bay na e Conexion Center pa e servicio di areglo di pago y pago di cuenta via e Self-Service Kiosk. Pa tur otro servicio por bishita un di e Teleshopnan.

            SETAR, como e compania nacional di telecomunicacion, ta sigui inverti den modernisa y innova su edificionan teniendo na cuenta trendnan rond mundo y cambionan den e mundo di haci negoshi y asina aki aporta na e desaroyo di nos pais.

            Mester felicita Director di SETAR, Sr. Rolands Croes y su team completo pa e tremendo trabao realisa y hinca den un bunita concepto.

            E anochi aki, e invitadonan por a ser a conoci cu un espacio totalmente renoba den un ambiente festivo y musical. Pabien SETAR.