Parlamentario Ruthlyn Lindor di fraccion Futuro:
ORANJESTAD (AAN) Señora Ruthlyn Lindor, Parlamentario di fraccion Futuro, den entrevista cu DIARIO, a bisa cu, sinceramente, gobierno mester ta cla internamente.
“Hopi biaha nos ta bira wak kico gobierno ta bay haci pa nos, pero nos tin cu compronde cu CMO ta algo hopi importante. Mi ta corda cu na Juni tambe nos tabata tin un conferencia di prensa, ta temporada di horcan, percura pa bo tin 10 dia di suplemento cla, y esey ta algo cu na Aruba nos no ta haci pasobra nunca tin algo ta pasa”, Lindor a señala.
El a agrega cu na Januari e ta bolbe wak kico tin, cuanto boternan di awa a wordo uza, pa wak cu tin suficiente suplemento inhouse pa diez dia. El a reitera cu esaki ta algo cu mester tin prepara prome cu un crisis, pa sa cu tin suplementonan pa diez dia.
E dama Parlamentario a subraya cu CMO tin su propio presupuesto pero Futuro ta puntrando gobierno pa aloca un fondo specifico pasobra nan sa cu tin placa na reserva, pero mester tin’e na su lugar, mescos cu semper mester tin un fondo di emergencia, y e ora ey bo sa cu cualkier cos pasa, bo tin’e cla y na su lugar.
