Scol Preparatorio Nos Paraiso di Paradera a tene nan “Bunny Fun Walk”

ORANJESTAD (AAN): Muchanan di Scol Preparatorio Nos Paraiso di Paradera, a gosa hopi di e “Bunny Fun Walk”.

Segun cabesante di e scol, señora Lilian Boekhoudt-de Kort, nan a organisa e Bunny Fun Walk pa celebra Pasco Grandi y asina muchanan por pasa un rato agradabel hunto cu nan mayornan, nan famia y amiguitonan. Nan a sali for di e scol, bay direccion di Tamarijn, sigui bay Babijn bin abao y asina yega scol bek. Nan ta gradici Cuerpo Policial cu nan cooperacion pa compaña nan durante e ruta y percura pa nan keda safe riba caminda.