ORANJESTAD (AAN): Exactamente un siman prome cu observa Dia di Bandera, ya caba a cuminsa celebracion na Schakel College na Aruba.
E celebracion ta debi cu nan a logra di obtene e Certificado-TTO Junior pa HAVO/VWO.
Schakel College desde 2020 ta un scol TTO. TTO aki nifica ‘TweeTalig Onderwijs (Hulandes-Ingles). Den e programa di TTO ta pone central e educacion di dos of mas idioma na nivel halto, ciudadania global, y e desaroyo personal di alumnonan. Ultimo añanan e ekipo a traha duro na un programa educativo Hulandes-Ingles cu ta adapta na e studiantenan di Aruba.
E scol pues ta afilia na e red Nuffic a e meta aki. Pa bo ta miembro, e scol mester respalda e standardnan di TTO. E scol tin di participa tambe den e proceso di calidad di TTO pa obtene e marca di calidad di TTO.
For di e red Nuffic-tto, e huzgamento pa resultadonan di e programa aki a wordo haci pa profesor Rick de Graaff (didactica di idiomanan stranhero na Universiteit Utrecht) y Lineke Ouwendijk (responsable di proyectonan pa educacion bilingual na Nuffic). Nan a ricibi yudansa di Vanessa Pietersz (encarga cu maneho multilingual di Departamento di Enseñansa). Nan a papia cu studiante- y docentenan entusiasma y a presencia un serie di les hopi inspirador.
Cu placer nan a presenta e noticia positivo. “El a bira un berdadero fiesta”. TTO ta gradici pa e hospitalidad y pabien na un ekipo fabuloso.”
