Entrante Dialuna awor
ORANJESTAD(AAN): Santa Rosa ta bay cambia su orario, pero e no ta bay ta un cambio grandi.
Den un entrevista Nathalie Maduro, Director di Santa Rosa a splica cu a palabra cu e minister encarga y el a bay di acuerdo.
“Pa loke ta caha, nos lo habri di 7’or di mainta te cu 3’or di atardi stret”.
Hopi biaha nos ta haya clientenan cu ta bisa nos cu net ora cu nan por bin despues di 4’or, nos a cera caba.
Pues aworaki nos ta bay ta habri tambe entre merdia y 1’or, pues si un hende kier bin cumpra algo, of paga algo of kier informacion, e por pasa di 7’or te cu 3’or, segun Maduro.
El a splica cu e cambio di orario aki lo ta te cu luna di October, pero si tin hopi indicacion cu e ta un orario cu ta facilita hopi cliente pa bay na Santa Rosa durante nan lunch y cu e ta funciona bon pa e empleadonan, e por bira un orario permanente.
