Color Parade ta Diabierna 12 di November 2021 - ORANJESTAD (AAN): DIARIO a haya informacion cu Diaranson 14 di Juli ultimo tabata tin un reunion entre S.M.A.C. y e gruponan di carnaval y e punto di agenda tabata Color Parade.
Esaki tabata un un reunion den un ambiente agradabel unda a discuti diferente punto y unda tambe a sa di duna diferente splicacion. Na final a yega na un consensus entre tur partido.
Loke a keda acorda entre tur partido:
*Temporada di Carnaval di Aruba a cuminsa diahuebs 11 di November y ta caba Diamars prome cu Diaranson di shinishi.
* Color Parade ta Diabierna 12 di November 2021.
* Champagne Carnival Group, TOB Carnival Group, Empire Carnival Group y Pink4life Carnival Group lo adopta un grupo di Mucha. E demas gruponan lo bay den un solo grupo pa recauda un 'start-up funds' pa por bay Carnaval 68 den 2022.
Na mes momento S .M.A.C. kier informa cu 11 di November lo presenta e apertura di e temporada di Aruba su Carnaval sigui pa Diabierna 12 di November pa e Color Parade, Diasabra 13 November S.M.A.C. Gala Mascarade Ball.
S.M.A.C. lo sigui informa pueblo despues di cada reunion. Pa Pueblo ta bon informa di e celebracion cultural mas grandi di Aruba.
