Rocco Franken a bira Rey di Tumba 2026

ORANJESTAD (AAN): Diasabra anochi den Aruba Carnival & Entertainment Center na San Nicolas,

e cantante Roderick ‘Rocco’ Franken a subi escenario y a competi cu e unico cancion cu Buleria a participa cu ne den Festival di Tumba 2026.

   E Tumba titula “Decreto Oficial’ a dal bon, cu perfecto combinacion di ritmo, musica, y composicion.  Publico a gusta esaki inmediatamente y aparentemente esey a hala mas punto tambe cerca Cuerpo di Hurado.

   Diadomingo marduga pa 2:24 am exactamente, a anuncia Rocco Franken como e Rey di Tumba 2026.  Publico a grita di alegria y asina e cantante a bay dilanti pa wordo corona.

   Como prome finalista a keda Jorienne Angela cu e cancion ‘Tene Wanta den Gloria’.  Di dos finalista a bira Chantal Quant cu e cancion ‘Aruba Alerta’.

   Demas premionan di e anochi tabata como lo siguiente.  Mihor Costume a bay pa Jorienne Angela.  Cantante Mas Popular ta Edgar ‘Poppy’ Kock.  Premio di Rookie of the Year a bay pa Chantal Quant.

   A anuncia tambe premio di miho composicion, y premio di miho areglo a bay pa e cancion ‘Decreto Oficial’.  Anto e premio aki a wordo anuncia prome cu nan a avisa e Rey di Tumba.  Ora cu a anuncia e ganadornan di miho composicion y areglo, ta hopi hende a deduci mesora cu ta Rocco lo bira Rey di Tumba.  Y esey a resulta tambe.  Potret cortesia SMAC.