SANTO DOMINGO: Ministro di Turismo na Republica Dominicana, esta David Collado a bisa cu entre Januari pa Augustus di e aña aki,
nan a ricibi 2.938.200 turista via avion, y ta calcula cu 2021 lo por cera cu e cifra calcula di 4.8 miyon bishitante no-residente.
Ora di a presenta e relato mensual riba yegada di turista, Ministro Collado a indica cu den luna di Augustus so nan a ricibi 476.575 turista, cu a representa un 96% mas di bishitante compara cu e mesun luna ey na 2019 (prome cu pandemia).
El a bisa cu e total di turista cu a yega e pais na Augustus, 371.555 tabata stranhero, 59.360 ta di origen Dominicano, y 51.469 ta bishitante famia.
Cu esaki e kier mustra cu Republica Dominicana ya caba a recupera 96% di fluho di turista cu tabata drenta den e temporada prome cu pandemia, y ta spera cu den e low season (Augustus-September) lo bay sobrepasa e cifranan di 2019. Aeropuerto di Punta Cana a ricibi 59% di e yegada na Augustus 2021. Aeropuerto Las Americas a ricibi 25%. Aeropuerto Cibao a ricibi 9%. Puerto Plata a ricibi 4%. La Romana a ricibi 3%. El Catey a ricibi 0,3%.
E estadistica presenta pa Ministerio di Turismo a indica cu 63% di e turistanan cu a drenta na Augustus 2021, tabatin un paspoort Mericano. Como 73% di e total a bay hospeda na un Hotel. Esakinan a genera 420 miyon Dollar na divisas.
Pa tira bista riba Cruseronan, luna pasa Gobierno a bisa cu 25.460 turista a yega via barco, cu ta 52% mas cu na Juli di e aña aki, cu 22 barco cu a mara na waf. Di e total aki, 21.984 tabata turistanan crusero den nuebe calls y siete crusero di tres linea, mientras cu 3.659 tabata pasaheronan via Ferry na Puerto Sansouci.
