ORANJESTAD (AAN): RADEX BCMS ta integra e Common Pass y Online ED Card pa haci e experiencia di cada viahero mas placentero.
E Common Pass ta un plataforma pa verifica di un manera electronico e PCR tests of carchi di vacuna di viaheronan.
Ademas, e ta lesa e informacion cu e viaheronan a provee tocante e PCR test of carchi di vacuna y e ta check esaki cu e laboratorionan cu ta partner na diferente pais.
E ta sigura tambe cu e PCR tests y carchi di vacuna ta cumpli cu e medidanan di e pais na unda e viahero ta bayendo. Di e manera aki, e viahero por duna un prueba cu e la wordo vacuna of cu e la haci un test.
Ora di haci uzo di e Common Pass, e viahero por drenta un pais y pasa door di e ‘fast lanes’ (na paisnan cu esaki ta aplicabel). E viahero lo mester pasa solamente via imigracion y por skip e check di salud ora di yegada.
E Common Pass ta un iniciativa di Nacionnan Uni y a wordo haci posibel door di e colaboracion di varios stakeholders, pa Aruba esakinan ta inclui entre otro e Aruba Health App.
E conexion aki ta solamente posibel danki na e Aruba Health App. Download bo Aruba Health App awe mes!
