Prome Ministro a pasa felicita ciudadano Gilles Pitman cu su bunita edad di 100 aña

ORANJESTAD (AAN): Celebracion di 100 aña, un siglo, un Centenario, na mundo henter ta un celebracion grandi y bunita.

   Cien aña di bida ta 100 aña di experiencia y di pasa conocemento over na generacionnan. Pa yega na e edad magico aki, ta un bendicion.

   Celebracion di 100 aña di bida ta un celebracion maraviyoso di un bida bon biba. Y pa famia di Sr. Gilles Pitman, esaki tabata e sentimento.

   Diaranson cu a pasa, Gilles Pitman a cumpli e bunita edad di 100 aña. Prome Minister Evelyn Wever-Croes a pasa felicita sr Gilles Pitman cu e edad respeta aki cumpli.

    Sr. Pitman y su casa, señora Nora a gradici y aprecia e bishita di  Prome Minister na e ocacion special aki, rondona di famia y amistadnan kendenan a reuni hunto pa compaña Sr. Gilles Pitman brinda pa su bunita edad di 100 aña.