Preparando pa decoracion di Fin di Aña na centro di Playa

ORANJESTAD (AAN): E epoca di Fin di Aña ta bay combina pa hopi decada caba cu decoracion special den areanan publico na tanto Oranjestad y tambe San Nicolas.

   Den pasado hopi biaha e decor tabata dirigi solamente pa Caya Grandi y kizas banda di Lagoen.  Pero awor e trabao di decora centro di ciudad ta mas amplio, y ta wordo haci riba Plazanan tambe.

   DOW a mustra cu nan ta ocupa completamente e dianan aki pa pone decoracion di e Dianan di Fiesta na Playa, unda ta usa personal pa yuda setup, y tambe cu asistencia di ekiponan pisa pa e trabao cana mas eficiente.

   A ser splica cu e siman venidero, nan lo bay cuminsa na San Nicolas tambe cu decoracion.