ORANJESTAD (AAN): Diaranzon mainta Avond Mavo a tene un conferencia di prensa na EPI, unda cu director di Avond Mavo Natalie Geerman a cuminza na felicita e graduadonan.
En total tabata tin 102 alumno cu a gradua, cu ta 62% di e total.
Ainda tin diferente alumno cu por gradua den tijdvak 3 si y Diabierna lo bira conoci cuanto mas a logra.
Geerman a sigui bisa cu e interes pa Avond Mavo ta hopi grandi, pues cu hopi hende tin interes pa sigui studia.
Ta trata por ehempel di alumnonan cu a cay afo den dia, of personanan cu despues di hopi aña ta dicidi di sigui educa nan mes.
“E aña aki un biaha mas hendenan por bay inscribi y e inscripcion ta keda habri te cu Diabierna 16 di Juli”.
Por bishita nos website www.avondmavoaruba.com pa haya mas informacion y haya sa tur e rekisitonan pa por inscribi, segun e director.
El a sigui bisa cu mescos cu aña pasa e inscripcion ta bay 100% oline.
Si tin pregunta por yama tambe of manda un email pa عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
“E aña aki como cambio di inscripcion nos tin par di cos bon pa alumnonan cu a keda sinta den leerjaar 3 den dagschool”.
Si bo a keda sinta 1 biaha of 2 biaha tras di otro den leerjaar 3 y bo kier bay Avond Mavo nos por lagabo bay over pa leerjaar 4, si den tur e vaknan cu bo tin, bo tin un pakete cu lo ta voldoende, segun Geerman.
El a sigui bisa cu pa alumnonan di EPB cu a keda sinta den examenklas y no a logra haya an diploma, nan por drenta leerjaar 2 di Avond Mavo, pero bao di un contrato.
Riba e website tin mas informacion riba e contrato aki.
Por yama tambe pa mas informacion.
Pa loke ta e preguntanan si Avond Mavo ta bay keda 100% online, Geerman a bisa cu nan a haya luz berde pa duna les fisicamente na scol tambe cu mas alumno den un lokaal.
E opcion tey pa bo scoge si bo kier haya les online of fisicamente.
Mester tene cuenta si cu e desaroyonan rond di COVID-19, unda cu si e casonan aumenta hopi atrobe, lo mester bay bek na duna les 100% online.
Pa inscripcion ta bay tin personanan presente awe y Diabierna di 6pm te cu 9pm, pero den dia bo por pasa tambe of manda email pa e helpdesk.
“Nos nota acepta cash, pues si bo mester paga por swipe”, segun e director.
