ORANJESTAD (AAN): Inscripcion pa e proximo aña escolar pa scol basico y mavo ta habri na SKOA.
Mayornan por inscribi nan yiunan na un scol di SKOA pa asina sigura nan luga pa aña escolar 24/25.
Con pa inscribi?
SKOA ta ofrece inscripcion completamente online. Por inscribi via nan website www.skoa.aw pa asina inscribi completamente online. Por inscribi via email na عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته..
Por inscribi tambe via WhatsApp na +297 748 5995 y sigui e pasonan pa completa e inscripcion. Ora di inscribi mester pone bon atencion ariba e documentonan necesario pa asina por cumpli cu e proceso di inscripcion di cada yiu exitosamente. Pa mayornan cu ya caba tin yiu inscribi na SKOA por haci inscripcion di e yiu cu ta bay cuminsa basis of secundario via nos systema di SAS.
Contribucion di mayor
E tarifa di contribucion di mayor pa e proximo aña escolar pa basis y mavo:
Pa basisschool schoolgeld ta Awg. 275,- y aircogeld ta Awg.150,-
Pa mavoschool schoolgeld ta Awg. 350,- y aircogeld ta Awg.150,-
Pa por completa inscripcion pa aña escolar nobo di 2024-2025, mester cumpli cu e rekisito di SKOA cu ta rekeri e contribucion di “schoolgeld y airco geld” di 2023-2024 ta ful paga. Mayornan cu ta desea un areglo di pago por haci peticion pa esaki.
Na SKOA ta enfoca ariba e desaroyo y crecemento completo di cada mucha y alumno. Nos ta ofrece educacion di calidad cu ta enfatisa e balornan Catolico, comunicacion na nivel multilingual, inclusion, innovacion y actividadnan extra-curicular. E muchanan y alumno ta ricibi educacion cu ta prepara nan bon pa e futuro di mañan.
