Planta di purificacion na Bubali haya yen di scuma dialuna mainta

Awa di laundry of kimico tira den sistema di riool - ORANJESTAD (AAN):   DOW a informa cu dialuna mainta na RWZI Bubali

a bin encontra un situacion hopi fastioso unda cu un cantidad di scuma a bin aparece den e planta di purificacion.

Ta asina cu diadomingo, e planta no tabata tin scuma. Esaki ta mustra cu dialuna un cantidad di awa di laundry of un otro kimico relaciona cu habon a wordo tira den e sistema di riool.

Ta bon pa remarca un bes mas cu e planta na RWZI no ta funcionando optimal manera mester ta, pero e situacion akinan tampoco lo haci'e mihor.

DOW ta spera cu e incidente lamentable aki bira un señal na tur cu nan mester hiba un maneho cu ta cumpli cu ley y reglanan y pa esaki no sosode mas.

Potretnan: Facebook Page DOW Aruba