Piscadornan local mes ta suministra Calco y Kreeft na Restaurantnan di St. Eustatius

Delegacion di Aruba a observa esaki

ORANJESTAD (AAN): E dianan aki ta tumando lugar na isla di St. Eustatius, un interesante Conferencia di DCALFA, cu participacion di tur seis isla di Caribe Hulandes.

   Riab Diaranson, e delegacion di DCALFA a haci un recorido na diferente proyecto agrario y di pesca como tambe na LVV Statia y na Abbatoir di e isla.

   E proyectonan a inclui area nan di plantacion den escala chikito ofreci door di LVV Statia, como tambe un proyecto hydroponico cu nan ta haciendo testnan ainda den dje.

   Sinembargo e delegacion di Aruba a keda sorprendí di mira, con den un forma regula, Piscadornan local di St. Eustatius por ofrece Calco y Kreeft fresco na consumidor- y restaurantnan como partí di nan Sector Primario.

   Na final di e dia, Señora Nathalie Maduro hunto cu colega Sr. Byron Boekhoudt a planta un di e 6 mata di Cashew den representacion di Aruba.