Patrick Werleman ta sigui como Vice Presidente di RADO Caribbean

Despues di a lidera exitosamente RADO Caribbean pa 6 aña

ORANJESTAD (AAN): Director di Desaroyo di Comite Olimpico Arubano sr. Patrick Werleman ta

conoci pa su rol importante den e mundo di anti-dopahe na Aruba. No solamente e ta lidera e organisacion ARUNADO, cu ta maneha anti-dopahe localmente, si no tambe a lidera RADO (Regional Anti-Doping Organization) den Caribe pa e ultimo 2 termino, unda e la sinta 6 aña como presidente. 

Manera ta stipula den e statutonan di e organisacion, e la yega su tempo limite como presidente, pero igual a wordo eligi unanimente pa sigui como Vice-Presidente. RADO Caribbean ta conta cu 18 pais miembro cu ta percura pa deporte sigur y limpi den nos region y e experticio di Patrick lo percura pa un bon continuacion di tur proceso banda di e presidente nobo.

COA ta felicita Patrick cu e trayectoria exitoso den e mundo di anti-dopahe y ta desea hopi exito cu e continuacion di e reto aki.