'Papiamento ta Bibo' na Filomena College MAVO

ORANJESTAD (AAN): Durante e siman di celebracion di 23 aña di oficialisacion di nos idioma Papiamento desde 2003,

Filomena College MAVO na San Nicolas, a tene un sacamento di potret bou di e personal, maestro- y alumnonan.

Danki na DCA cu a saca diferente flyer den cua e palabra Papiamento ta aparece. E flyernan tabata contene entre otro e frase “nos ta stima Papiamento” riba nan.

Na Filomena College MAVO, e maestro di e materia ta Mariela Carrion y ta esun cu diariamente ta inculca e cariño pa nos idioma den tur alumno.

Filomena College MAVO ta keda motiva autornan local pa keda skirbi y publica tur loke ta na nan alcance cu ta na beneficio di nos idioma. “Stima nos idioma como cu si bo ta domina bo idioma, bo por domina tur materia y les di bida”.