E cantidad di victima mortal di COVID-19 a supera dialuna cinco miyon, menos di dos aña di un crisis cu no solamente a devasta paisnan pober, sino cu tambe a humiya paisnan rico cu sistemanan di salud mas moderno.
E cifra di morto, segun conteo di Universidad Johns Hopkins, ta ubica den 5.000.425 pa 9 GMT di dialuna, loke ta ekivalente na aproximadamente e cantidad di persona morto de batayanan entre nacionnan desde 1950, segun estimacion di Instituto di Investigacion pa Paz di Oslo. Di otro banda, conteo di Reuters a yega na un cifra di 5.233.739 morto.
E cifra aki, casi cu tur seguridad, un conteo insuficiente debi na limitacion di pruebanan y cu tin hende a fayece na cas sin atencion medico, specialmente den paisnan mas pober di mundo. E metodologia di conteo ta varia segun autoridadnan sanitario di cada pais.
Merca, Union Europeo, Reino Uni y Brasil –tur pais desaroya of den desaroyo, ta representa un di ocho parti di e poblacion mundial, pero casi mitad di tur morto registra. Solamente Merca a registra mas di 740.000 bida perdi, mas cu cualkier otro pais.
Riba nivel mundial, COVID-19 ta awo e di tres causa di morto, despues di malesanan cardiaco y accident cerebrovascular. “Esaki ta un momento decisivo den nos bida”, segun docter Albert Ko, specialista den malesanan infeccioso di Scol di Salud Publico di Yale. “Kico nos mester haci pa protehe nos mes y no yega na otro 5 miyon?”.
E ‘hot zones’ a cambia durante 22 luna desde inicio di e brote, cu alertanan cora riba diferente lugarnan di e mapa mundial. Awo, e virus ta azotando Rusia, Ucrania y otro partinan di Europa, specialmente na unda rumor, desinformacion y desconfianza den gobierno a dificulta esfuerzonan di vacunacion. Na Ucrania por ehempel, solamente un 17% di e poblacion adulto ta totalmente vacuna; na Armenia, solamente 7%.
“Loke ta singularmente diferente di e pandemia aki ta cu esaki a golpea cu mas forza e paisnan cu mas recurso”, segun docter Wafaa El-Sadr, director di ICAP, un centro di salud global di Universidad di Columbia. “Esaki ta e ironia di COVID-19″. Paisnan mas rico, cu mas esperanza di bida, tin un proporcion mas halto di personanan mayor, sobrevivientenan di cancer y residentenan di casnan di cuido, tur ta specialmente vulnerable na OVID-19, El-Sadr a señala. E paisnan mas pober sa tin un proporcion mas halto di mucha, hoben y adultonan hoben, cu tin menos probabilidad di bira gravemente malo pa coronavirus.
