Dia 25 di Mei 1975, un diadomingo atardi un candela devastador ta caba cu e tienda Panama Store situa na San Nicolaas.
Aparentemente e candela ta cuminsa den e cushina di Wintergarden Bar y ta pasa over y ta pega e dak di Panama store na candela y a sigui destrui edificio di Panama Store, e muebleria Zimbi Palace y tambe e negoshi di e snijro ( cosedo) Genser. Na e banda patras di Wintergarden Bar e candela tabata menasa Astoria Hotel cu a logra scapa e edificio.
E tempo ey Aruba no tabata tin un cuerpo di bombero pero tabata polis tabata paga candela cu ayudo di voluntario y Marina Real.
Ta despues di basta rato a Gezaghebber a pidi ayudo di Lago Brandweer cu a yega rapidamente cu nan fumait grandi y a domina candela.
Tabata tin masha hopi mirones cu a bin wak e candela y tabata stroba e trabao di paga candela.
Compila pa Roberto Croes
Nos Historia Nos Herencia
