ORANJESTAD (AAN): Un ciudadano cu ta biba na Santa Marta ta puntrando su mes, unda e Arubiano limpi y responsable a keda?
El a bisa cu cada tanto dia, nan ta haya hendenan cu ta benta pushi morto, cacho morto, y tur sorto di sushi riba tereno di hendenan cu ta biba na Santa Marta.
El a splica cu e tereno di Santa Marta 11, cada rato ta haya nan cu hende ta zwaai saco yena cu sushi. Kende cu ta ta pasa y zwaai botter bashi.
“Nos ta cansa! Pasobra tur dia ta nos ta lanta y recoge tur e sushinan cu ta wordo benta afo riba e caya ey,” e dama di e cas a bisa.
Diaranson mainta ta dos pushi morto a wordo benta eyden! Uno di nan ya ta casi full seco caba. E no por compronde con e mentalidad di Arubianonan ta cambiando asina. El a bira parti di cultura cu awor ta djis hisa benta sushi unda cu ta?
“Ta tur ora nos tin di hala pushi, nos tin di recoge saconan kibra di sushi, y tambe saconan yen di botter. Kico pasa cu e Arubianonan cu no ta preocupa mas cu nos medio ambiente?
E dama a splica, cu nan mes cada rato tin di bay busca saco pa asina recoge tur sushi cu ta wordo benta eynan. Y awor nan a cansa di esey.
Pakico Arubianonan tin di djis benta sushi afo? “Nos mes, ora nos animalnan muri, nos ta dera nos bestianan. Pakico Arubianonan no por haci esey?”
E dama a finaliza bisando: “Por fabor, ban stop cu esaki, y yuda tene Aruba limpi.”
