Pa prome biaha mariniernan Hulandes y Colombiano a tene un ehercicio militar na Colombia

ORANJESTAD (AAN): Pa di prome biaha, mariniernan Hulandes ta participa den un ehercicio militar hunto cu coleganan Colombiano na Colombia.

E ehercicio militar conhunto den Turbo ta dura tres siman y ta reforsa e cooperacion bilateral y intercambio di conocemento y experencia operacional. 

Durante e ehercicio diferente simulacro, entre otro operacionnan riba riu, anfibio y na costa. Esaki ta crucial dentro di e dominio Marino. Den areanan desafiante di Colombia, e unidadnan a engrandece nan despliegue bao di varios circunstancia. Ademas di e mariniernan, tambe e barco di sosten Zr.Ms. Pelikaan ta participa na e ehercicio. Asina e ta participa na ehercicionan maritimo riba laman y ta percura pa transporta material y e unidadnan.

“E entrenamento aki ta brinda un chens unico pa siña di otro”, segun Mayor Rik, Comandante di e escuadron di Marina Carib, ta bisa. “Nos ta combina nos conocemento, mehora capacidad, y construi na confiansa mutuo.” Tambe di banda Colombiano tur hende ta positivo tocante e cooperacion y e ehercicio. 

E ehercicio ta un paso concreto  den e asociacion militar entre Hulanda y Colombia. Un paso valioso den e colaboracion riba tereno di seguridad, entrenamento y preparacion operacional. Esaki ta percura pa brinda paz y seguridad den Region Caribe.