Otro container yena cu material di Gym a yega pa Aruba

Esaki ta di 7 container...

ORANJESTAD (AAN): E siman aki, e organizacion Sport for Youth Foundation a transporta casi henter un container yen di Material usa di Gymnasia pa Centro Deportivo Betico Croes na Santa Cruz.  Tur e costo di transporte di carga a wordo paga completamente door di Aruba Sport Unie (ASU) y Compra NV, kendenan a percura tambe pa e costo di handling.

   E cuatro personanan aki riba e podium di ganadornan 1, 2 y 3 ta dos boluntario di e compania Van Dorp, y 2 miembro di directiva di Sport for Youth Foundation, kendenan cu a duna un man cu cada 7 container cu e Foundation a logra trece Aruba, pa saca tur cos di nan y distribui nan.  Un palabra di danki na nan.

   Aunke a haya 7 container, toch keto bay nan no ta suficiente pa cubri e scarcedad di material na scolnan di Aruba.  E asina yama Stichting Sport for Children na Hulanda tin un cargamento grandi na Helmond (Hulanda), cu ta yen di material revisa di Gym, cualnan tin speranza cu nan lo por yega Aruba, aunke e isla mes tin di percura pa cubri e gastonan di transporte.

   Si acaso abo ta un compania cu kier contribui na esaki pa yuda muchanan di scol haya material pa na un forma responsable y varia por haya les di gymnastiek, e ora bo por drenta den contact cu Leo de Hertog, president di Sport for Youth Foundation na 592-7282.