Minister Rocco Tjon:
ORANJESTAD (AAN): Minister di Husticia y Asuntonan Social sr. Rocco Tjon tabata presente durante e youth forum di UNESCO, hunto cu Aruba su secretario general pa loke ta e comision nacional di UNESCO, sra. mr. drs. Marushka Lee-Tromp y Aruba su "youth representative" Arielle Gil, caminda a reuni cu e directora di UNESCO pa e oficina di Caribe, sra. Anna Paolini.
Durante e reunion aki a toca diferente programa cu UNESCO ta ofrece y por brinda na Aruba. Aki ta trata di programanan cu ta enfoca riba "peace building" y "changing mentalities".
Un reunion sumamente positivo, den cual a palabra cu e directora sra. Anna Paolini, cu otro aña lo bay brinda dos proyecto pa Aruba.
E prome proyecto lo enfoca riba "peace building" den nos scolnan, specificamente un programa cu ta toca agresion na scol. E otro programa lo enfoca riba crea mas conscientisacion den nos comunidad pa loke ta violencia domestico.
Aki dos siman, e preparacionnan lo inicia cu UNESCO pa planifica e programanan menciona na 2024.
