ORANJESTAD (AAN): Manera ta conoci, e rotonde di Kibaima riba Green Corridor ta wordo cuida y manteni door di WEB Aruba NV.
Esey ta encera cu den temporada di Fin di Aña, nan ta decora esaki tambe cu Luz di Pasco.
DIARIO a compronde cu e trabaonan ta casi cla, y cu Diabierna 17 di November 2023 nan lo inaugura esaki oficialmente. Publico ta invita pa mira e inauguracion di e luznan na rotonde Kibaima pa 7:00 pm.
Despues pa 7:15 pm, lo inaugura e luznan cu a pone tambe na entrada principal di e planta di WEB Aruba NV na Balashi.
A compronde cu Gaita Las Unicas Fabulosas lo ta tocando di 7:30 pm te cu 9:30 pm, lo tin Mini Pueblo di Luz, y hopi mas.
