ORANJESTAD (AAN): Siman pasa, Colegio Arubano tabata anfitrion pa Jessica Hogue, di e instituto educacional ‘Ontario Tech’.
Su bishita tabata pa duna alumnonan di Colegio Arubano cu tin interes di sigui nan estudio avanza na Canada, informacion riba loke nan Universidad ta ofrece. Esaki ta un lectura stimula door di Decanaat di Colegio Arubano. Den simannan venidero, Decanaat tin varios lectura prepara pa asina yuda studiantenan dicidi di awor caba kico nan lo kier bira den futuro.
Ontario Tech University ta un universidad publico di investigacion ubica na Oshawa, na Ontario. E campus principal di e universidad ta riba un teritorio di 160 hectare den parti nort di Oshawa, mientras nan tin un otro campus chikito den downtown Oshawa.
E lectura ofreci pa Jessica tabata interesante, y studiantenan na Colegio a haci varios pregunta riba tur aspecto di bay studia na Canada.
