ORANJESTAD (AAN): Riba Dialuna, Ministro Geoffrey Wever a reuni cu e Resident Coordinator di Nacionnan Uni, señora Joanna Kazana, hunto cu su delegacion.
Señora Kazana a elogia e maneho y proyectonan di Aruba. Tambe el a indica cu tin hopi interes di otro islanan den region pa siña di e conocemento y experiencia di Aruba riba diferente tema, manera e proyecto di NSS (National Statistical System).
E reunion a sigui cu un dialogo productivo pa explora otro forma y modelo pa cooperacion regional conhunto cu e plataforma di Nacionnan Uni pa aporta na e desaroyo sostenibel di Aruba.
