ORANJESTAD (AAN): Tabata Diamars 2 di Januari 2024, cu mainta trempan e barco crusero ‘Norwegian Viva’ a bishita Aruba pa prome biaha.
E barco aki ta uno bastante nobo, y apenas 10 di Augustus 2023 a haci su prome viahe oficial. El a wordo fabrica na Italia, y tin largura di 299 meter, hanchura di 40 meter, y tin capacidad di transporta 3.099 pasahero.
Manera por mira riba e potret, ora cu el a yega Aruba apenas solo tabata saliendo poco-poco.
Norwegian Viva ta actualmente riba un viahe di 9 dia den Caribe, cu e tema ‘New Year’. El a sali Diabierna 29 di December for di San Juan (Puerto Rico), y Diasabra a bishita St Thomas (US Virgin Islands), Diadomingo tabata na St. Maarten. Diamars a bishita Aruba. Diaranson a bishita Curaçao. Diahuebs a bishita Bonaire. Diabierna lo bishita St. Lucia. Diasabra lo bishita St. Kitts. Diadomingo 7 di Januari lo yega bek na San Juan, Puerto Rico.
Diamars el a bandona Aruba pa 5:00 pm.
