ORANJESTAD (AAN): Pastoor Raffy Cananea y e Comunidad di Laico Carmelita di Parokia Santa Teresita di Niño Hesus ta invita tur deboto,
parokiano y henter Pueblo di Aruba pa un Santo Sacrificio di Misa diamars 16 di juli pa 6 or di atardi pa hunto celebra e Fiesta di La Birgen del Carmen. Hesus ta invita nos pa uni y resa hunto pa La Birgen del Carmen basha su bendicion riba nos famia y nos isla y pa pidi su proteccion.
E nobena na honor di La Birgen del Carmen ta cuminsa diadomingo 7 di juli na Kapel Emmanuel pa 6 or di mainta. Dialuna 8 di juli te cu diabierne 12 di juli e nobena lo tuma lugar na Misa Santa Teresita pa 5 or di atardi.
Diasabra dia 13 di juli e nobena ta continua na Kapel Emmanuel pa 6 or di atardi y diadomingo 14 di juli na Misa Santa Teresita pa 6 or di mainta. E ultimo dia di nobena lo ta dialuna 15 di juli pa 5 or di atardi na Misa Santa Teresita.
Despues di cada dia di nobena ta sigui un Santo Sacrificio di Misa.
