Presidente di Parlamento Edgard Vrolijk:
ORANJESTAD (AAN) – Presidente di Parlamento mr. Edgard Vrolijk, den entrevista cu DIARIO a menciona cu e ta lamenta con e caso contra Griffier a bay, y cu loke a wordo bisa den medidanan no ta berdad.
El a declara cu nan tin cu constata cu e manera di trabao ey no ta esun normal, y cu ora tin algo di trece dilanti mester hacie internamente prome, pero esaki a bay pafo, den prensa.
“Anto, despues nos a atende cu ne ora mi a wak cu e carta a drenta, pero e carta a bay den prensa tambe. Seguramente, ora di atacha hende bo mester por bin akiden prome pasobra no ta nice pa un persona cu ta traha tur dia akiden no tin e chens di defende su mes optimalmente, pasobra ya un carta ta crea un percepcion eyfo”, Presidente di Parlamento a bisa.
P’esey nan a bin bek den Parlamento y a atende cu tur e puntonan, y diahuebs siman pasa tabata tin un sesion unda decision a wordo tuma pa duna conseho cu no tin un motibo valido pa bin cu un retiro procedure, y esey a wordo hancra den un CC tambe, Vrolijk a relata.
