Edgard Vrolijk, Presidente Parlamento:
ORANJESTAD (AAN) – Presidente di Parlamento mr. Edgard Vrolijk, den conferencia di prensa a menciona cu el a scucha hopi di Parlamentario Marisol Tromp, encuanto e caso di Minister Glenbert Croes y peticion pa un OV y e ta splica pakico e no por bin Parlamento papia di su mes caso.
Vrolijk ta indica cu e mes a manda un carta na parlamentario Tromp, riba locual e mandatario a contesta, y a bisa cu naturalmente esaki ta un caso huridico y mescos cu e casonan di Benny Sevinger y Paul Croes, Parlamento no por trece un hende dilanti pa papia di su caso huridico.
E Presidente di Parlamento a subraya cu e ta keda uza mesun linea di trabao y cu e no ta desvia, mescos cu ora Marisol Tromp a wordo pidi informacion, pa loke ta e caso di Serlimar, pero e no por a dune pasobra ta un caso huridico. Ora e procedure aki ta bin dilanti y keda cla mr. Vrolijk ta yama e minister dilanti y ta honra e peticion.
