Dentista Henk Marsman: "DVG a bolbe haci fout cu diploma"
*A pifia cu Kawaiah y awor a sali na cla a pifia cu tecnico dental
ORANJESTAD (AAN): Dentista Henk Marsman un biaha mas ta trece dilanti algun punto unda e ta remarca cu DVG a bolbe haci fout cu un diploma.
DVG no sa con pa evalua diploma atrobe y aki otro bes den cuido dental ta laga un persona traha cu pashent sin cu tin e opleiding adecua.
Ta trata aki di un tecnico dental cu a haci un curso na nivel MBO como un denturist. Pa por
traha mester hasi ainda 2 examen. Pa traha independiente mester sigui studia nivel di bachelor.
E curso basico na MBO aki e a caba na 2018. Awor na 2020 e college aki na Merca a start ofrece e estudio di bachelor den denturism pa asina bo ta cualifica como para-medico (HBO nivo), Marsman a indica.
El a sigui bisa cu na 2018-2019 hefe di DVH, Jerry Staring a skirbi Minister cu e tecnico tin diploma na nivel paramedico y por establece su mes como un “tandprothetecus of sea denturist.
Na Hulanda conoce tandtechnieker. Esey ta traha den en laboratorio y traha hulpstuk manera plancha etc pa un dentista ora e pidi/referi. E no mag traha den boca.
Ora sigui studia bo por bira un tandprotheticus /Denturist y e ora bo mag establece bo mes
independiente pero traha solamente den boca sin diente presente, pues pashent cu no tin diente mas.
Ora tin caba 1 solo diente den boca, ta dentista por pidi bo haci trabao riba orden di un dentista.
Aki na Aruba no tin control y casi tur tecnico dental ta haci trabao den boca sin cu dentista a
manda pidi nan pa haci.
IVA (Inspectie Volksgezondheid) ta haci nada. "Nos lo warda te ora e baca hoga", Marsman a indica.
Hecho ta cu DVG no a averigua e diploma debidamente cu ta na nivel di MBO y a asumi cu ta
di HBO y a duna permiso pa traha numa independiente den boca di pashent.
Como di dos aspecto el a bisa cu e dentista ta esun cu a studia y por detecta patologia, cancer, caries, schimmel infecties, saca xray pa wak infeccion, raiz cu a keda atras y wak si e boca por carga un bridge.
Un tecnico dental no tin conocemento di esey, no por yena diente, no mag slijp diente etc, pero
tin na Aruba cu ta hasi abiertamente , hasi hopi propaganda na facebook y asta cobra prijs mas
halto cu dentist.
Pashent no por keha nan na tuchtcollege y no tin seguro pa ora cos bay malo.
Na di tres lugar, e dentista a remarca cu pa loke ta material usa: ta propaganda un material flexibel como esun mas mihor y cobra masha caro. E material aki por uza solamente den algun caso unda tin diente natural ainda cu ta carga e mordi, pues mester tin diente dilanti y patras di e diente cu ta remplasa.
E motibo ta cu si no tin e dientenan natural e presion ta bin riba weso door cu e plancha flexible ta dobla y weso no por carga presion y e pashent ta perde mas weso y haya problema den futuro.
Esey ta cos cu dentista sa, pero tecnico ta bende e bridge flexibel aki como e invento nobo y
cobra hopi caro pe. Verder bo no por drecha nan bon y por uza nan algun aña so.
Pues IVA mester actua y splica e tecnico dental aki en particular y e otronan cu nan no por traha
den boca, nan no mag bora y yena diente, no mag pone diente di oro, slijp diente pone diente di
porcelana y ta ora haya carta di dentista por haci trabao.
Y DVG mester busca hende cu por sa kico ta come y bebe diploma den ramo dental. Nan a pifia cu Kawaiah y awor a sali na cla a pifia cu tecnico dental, Dr. Henk Marsman a finalisa bisando.
