N.V. ELMAR realisando trabao di mantencion riba instalacion di 12.000 Volt den stacion na Pos Abao y Paardenbaai

ORANJESTAD (AAN): Actualmente N.V. ELMAR ta haciendo mantencion riba instalacion di 12.000 Volt den stacionnan di Pos Abao y Paardenbaai.

Esaki den cuadro pa por sigui garantisa suministro di coriente continuo y confiabel tur momento di dia.

            E mantencion aki ta wordo haci door di tecnico di compania ABB di Hulanda. Pa por haci mantencion riba instalacion di 12.000 Volt, mester kita coriente na e stacion y pasa e “load” di coriente di kabelnan di 12.000 Volt pa otro stacionnan den vecindario, ocasionando cu e otro kabelnan di 12.000 Volt lo tin mas “load” cu normal.

            Aunke cu no ta premira interupcion den suministro di coriente den areanan di stacionnan na Pos Abao y Paardenbaai, N.V. ELMAR ta pidi comunidad di Aruba comprension den caso cu por surgi interupcion di coriente den e simannan venidero.