LONDRES: Un soltero a cuminza promove su mes riba borchinan grandi di propaganda cu e speranza di por haya un casa.
Mohammad Malik di 29 aña di edad, a crea un website www.findmalikawife.com y a pone su potret riba varios borchi di propaganda na Reino Uni.
Ora bo subi su website, mesora bo ta mira un potret di dje den cual e ta bisa: “Ami ta Malik. Yudami haya un casa!” Mas abao tin un video cu el a pone, y tambe ta duna mas detaye di dje mes.
“Ta posible cu bo a mira mi cara riba un borchi di propaganda algun lugar. Mi tin 29 aña, ta biba na Londres. Mi ta un empresario, fanatico di cuminda y religioso,” y a agrega cu e tin como hobby pa siña mas di fe y combersa.
Ademas e ta aclara, cu e kier un pareha sin importa e origen etnico, pero cu su famia na Punjabi ta papia hopi duro, pues bo tin di sa di mantene bo mes al tanto cu e combersacionnan.
Toch e ta bisa cu su partner ideal lo ta un muher Musulman den su 20 añanan di edad. El a bisa cu e ta unico yiu y cu e ta cuida su mama y tata. Si esey ta dificil pa su futuro pareha, e ora ta mihor pa no aplica mes.