ORANJESTAD (AAN): Recientemente Celeste a cumpra su numbernan di suerte pa e sorteo di Catochi Merdia.
El a pasa cumpra number na dos diferente rebendedor. Y el a bin nota cu su numbernan a sali tambe, pues el a gana!
El a acudi na oficina di Lotto y ora di scan e barcode di su ticket, enberdad a mustra cu el a gana un suma pa e sorteo di Catochi Merdia.
Sinembargo como cu el a usa e opcion y a hunga Multi-X pa e mesun sorteo ey, combina cu e hecho cu e dia ey e bolita X5 a sali pa Catochi Merdia, esey nifica cu Celeste a multiplica su premio total na 48.000 Florin.
Mesora e proceso a cuminza pa transferi e 48 mil Florin aki pa su cuenta di banco. Celeste a indica cu e ticketnan ganador el a cumpra na The Perfect Magic Lottery, y tambe na Indio Stewart Lottery San Nicolas.
