Miss Teen Universe Guizza Maria Steenvoorde a yega Aruba y el a wordo ricibi en grande na aeropuerto

ORANJESTAD (AAN):  Diaranson atardi Guizza Maria Steenvoorde a yega Aruba cu e corona y titulo prestigioso di Miss Teen Universe 2025.

            Na Aeropuerto Internacional Reina Beatrix, Prome Minister Mike Eman, Minister di Relacionnan di Exterior Gerlien Croes y Minister di Turismo Wendrick Cicilia a duna Guizza un bonbini caluroso y a felicit’e pa su logro historico.

            Presente tambe tabata tin varios parlamentario, famia y amigonan di Guizza cu a dun'e un bonbini y expres'e palabranan di pabien pa su tremendo logro na nivel internacional y cu sigur ta algo masha bunita pa e nomber di Aruba resona.