Miss Filipinas a yora despues cu hopi hende a haci bofon pa su Trahe Tipico na Miss Universe

ORANJESTAD (AAN): E candidata di Filipinas na Miss Universe 2021, esta Rabiya Mateo, a finaliza e Anochi di Trahe Nacional di Diahuebs

, cu yoramento y lagrima despues cu el a ricibi un monton di critica via social media, despues di su presentacion durante e competencia di National Costume na e certamen.

   Rabiya a haci un ‘Live’ riba su Instagram ora cu e competencia a finaliza, y el a yora sin consuelo pa e declaracion y critica cu hopi Filipino a lanza den su direccion, bisando cu nan ta decepciona cu su actuacion.

   E critica principal ta cu e Miss di Filipinas no a usa e sombre di solo cu ta parti di su trahe nacional, y cu asina ta forma e bandera Filipino.

   Den su transmision live, Rabiya a pidi disculpa na tur esnan cu a keda decepciona cu su actuacion.  “Mi kier djis aclarea algo rapido, mi ta hopi sorry, pero mi sa cu mi a haci lo mihor cu mi tabata por, mi mihor esfuerzo,” el a bisa cu yen lagrima.

   E Miss a bisa tambe cu el a corta su dede un poco prome cu e competencia, y cu parti di su outfit a mancha cu sanger prome cu el a subi stage.

   El a bisa tambe cu e no tabatin tempo pa a drecha su cabey, ni e make-up.  E candidata di un di e paisnan cu mas fanatico di e certamen di Miss Universe a insisti cu Diabierna anochi na e Preliminar, e lo haci su best.  Y cu esey lo ser haci tambe pa e certamen final.  Ribaya su Instagram Account tin mas di 1 miyon followers.

   E certamen final di Miss Universe lo ta Diadomingo 16 di Mei 2021, pa 8:00 pm (ora di Aruba)..

   Pa prome biaha desde 2015, e conocido Steve Harvey lo no ta e presentador pa e certamen e biaha aki.  E anfitrionnan pa e aña aki lo ta Mario Lopez (di Access Hollywood) y tambe Olivia Culpo (ex-Miss Universe).