ORANJESTAD (AAN): Tur luna Oficina Central di Estadistica (CBS) ta publica e resultadonan principal di e Indice di Prijs di Consumo (CPI).
Departamento di Asuntonan Economico, Comercio y Industria den su outlook oktober 2022- 2023 a proyecta un inflacion di 5.6% pa 2022. Cifra publica pa CBS ta mustra un diferencia chikito di 0.1% entre proyeccion y realidad y ta demostra cu comunidad por tin e confianza den trabao di nos expertonan.
E promedio anual (ultimo 24 luna) di e tasa di inflacion pa e periodonan di Januari 2021 te cu December 2021 y Januari 2022 te cu December 2022 ta 5.5%.
E Canasta di consumo ta consisti di 408 producto y servicio. CBS riba un base continuo ta monitor y publica e cambio di prijsnan di e canasta di consumo. E publicacion ta uno detaya y ta duna un bista riba e desaroyo di prijsnan di diferente producto y bienes.
Minister di Asuntonan Economico, Comunicacion y Desaroyo Sostenibel, mr. Geoffrey Wever, ta invita tur ciudadano pa bishita e website di CBS www.cbs.aw pa mas informacion.
