Ministro a bay check e final di e proyecto ‘Tur cos ta posibel’

Na Prison di KIA

ORANJESTAD (AAN): Recientemente, Ministro di Justicia Rocco Tjon a bishita instituto coreccional KIA, den cuadro di e proyecto cu a finalisa, esta “Tur cos ta posibel”.

   Un proyecto sumamente bunita y importante pa nos detenidonan, brindando oportunidad husto pa asina nan por reintegra y resocialisa exitosamente den nos comunidad, unabes cu nan sali for di KIA.

   Pabien na tur esnan cu a haci esaki posibel, incluyendo fundacionnan manera ARTISA, kende ta un stakeholder sumamente importante, mirando cu e proyecto a enfoca riba e parti di moda y arte, specificamente pa e grupo di hende muhe na KIA.

   Na September, Gobierno a manda un carta pa Hulanda cu e peticion pa diferente proyecto cual lo worde aproba, incluyendo e business case, pa asina yega na un prizon nobo.