Pa su aporte den e renovacion edificio di Polis Maritimo:
ORANJESTAD (AAN) – Minister di Economia, señor Goeffrey Wever, a hiba palabra relaciona cu e firmamento di e acuerdo di Gobierno y APA, den e cuadro di renovacion di e edificio Marpol, den cual Polis Maritimo ta ubica.
Minister Wever a cuminza expresando palabra di pabien na Polis Maritimo y APA, y alavez a gradici APA pa yuda gobierno cu e construccion di e edificio aki, y a subraya cu ta un bunita ehemplo, con un entidad estatal ta coopera cu gobierno, pa trece un facilidad cu ta necesario pa e infrastructura di nos pais, pa por keda cumpli internacionalmente cu e reglanan cu ta aplicable pa Aruba.
El a felicita minister di Husticia cu e logro aki, y e ta spera cu enberdad pronto lo tin un edificio cu ta traha na fabor di e comunidad Arubano.
