Minister Endy Croes a celebra cu Team Education USA nan prome aña di existencia

ORANJESTAD  (AAN): Diabierna ultimo Minister di Enseñansa, Endy Croes a ricibi bishita di Team Education USA cu a celebra nan prome aña di existencia.

En conexion cu e celebracion na a haci entrega di un bunita bolo na e Mandatario.

             “E tabata un encuentro ameno unda nos a ricibi informacion y splicacion di e trabaonan cu Team Education USA ta haci pa prepara e studiantenan cu ta continua cu nan estudio na Merca”, e Mandatario a expresa.

            Manera ta conoci e sistema Americano ta brinda nos hobennan banda di enseñanza oportunidadnan grandi den deporte. Ta un combinacion di studia y practica deporte na un nivel hopi halto. Kyra Hoevertsz a comparti su propio experencia.

            Minister Endy Croes a desea nan hopi exito y alabes gradici nan pa habri caminda di guia, preparacion y pa crea oportunidadnan pa nos hobennan cu ta bay studia den exterior.