Minister Dangui Oduber a firma MoU cu Universidad El Bosque

ORANJESTAD (AAN): Minister di Turismo y Salud Publico sr. Dangui Oduber, hunto cu representantenan di Universidad el Bosque,

referi como UNBOSQUE y tambe Los Cobos Medical Center (LCMC) ta anuncia cu un Memorandum of Understanding (MOU) a wordo firma pa asina reforsa y mehora e servicio y calidad di cuido y alaves crea oportunidadnan y posibilidadnan pa sigui profesionalisa y empodera nos profesionalnan den cuido cu lo desea pa studia aki na Aruba mes.

            Ministerio su vision ta pa sigui traha ariba un sistema di cuido di salud mas inovativo y sostenibel pa Aruba. Cu e acuerdo firma aki ta reconoce cu un colaboracion y diversificacion cu profesionalnan di e instituto; Universidad el Bosque y Los Cobos Medical Center ta necesario pa asina por yuda eleva henter e sector di cuido na Aruba.

            Adicional na esaki, cooperacion y colaboracion cu institutonan cu ta acredita manera UNBOSQUE ta expande e posibilidadnan educativo pa nos profesional di salud. E meta di e MOU aki ta pa declara intencionnan di e partidonan pa traha hunto cu institutonan educativo den e topico di salubridad y pa contribui na e meta di expande y reforsa nos sistema di cuido.

E topiconan cu a menciona den e acuerdo ta lo siguiente:

• Ambos partido ta explora e posibilidad di un colaboracion pa asina por yuda cu

e capacidad di personal na Aruba.

• Explora e oportunidadnan di establece un universidad di medicina manera

UNBOSQUE na Aruba.

• Explora e structura y colaboracion di diagnosticonan pa casonan mas complica.
• Oportunidad pa educacion superior y avansa pa studiantenan di salubridad
• Intercambio di conocemento y experticio cu UNBOSQUE Universidad su

profesionalnan.

            Minister sr. Dangui Oduber ta gradici LCMC & UNBOSQUE pa e bon cooperacion y

colaboracion historico aki cual ta significante pa Aruba pa asina logra e vision di un sistema di cuido avansa, innovativo y sostenibel pa e comunidad di Aruba.