ORANJESTAD (AAN): Minister di Asunto Economico, Comunicacion y Desaroyo Sostenibel, Geoffrey Wever a duna di conoce cu e ta hopi honra di por sirbi Pais Aruba.
Minister Wever a bisa cu e tin hopi animo y gana di cuminsa traha y atende cu e retonan grandi cu tin.
E mandatario a indica cu e ta cla pa traha y ehecuta e vision cu nan ta bin ta papia di dje pa basta tempo.
E situacion cu Aruba ta, ta necesario pa tin un bon team y e ta sinti bon representa den un coalicion cu ta solido locual ta un garantia cu por goberna den un forma responsabel pa e proximo 4 añanan, a finalisa bisando.
